LRT`er van de maand januari 2009

Vanavond gaat de reis naar... het circus! Het cirque d'hiver in Roermond om precies te zijn. De eerste LRT' er van 2009 wacht ons al op bij de ingang en begeleid ons langs de tijgerkooi naar binnen naar de piste voor een fotosessie. Ook al hebben we afgesproken op een tijdstip tussen de twee voorstellingen door, er heerst hier nog altijd een bedrijvigheid van jewelste. Daarna nemen we het interview af in de schminckkamer, en de LRT'er van de maand januari is er alweer vandoor om zich klaar te maken voor de volgende voorstelling.

Als we tevreden weer naar huis terugrijden is er een ding wat ons opviel aan de nieuwe LRT' er van de maand: de vanzelfsprekendheid. Vanzelfsprekendheid om -als vrijwilliger-te werken bij een circus, om met een oudere motorfiets het circuit op te gaan of om het Limburgse dialect te praten. In zijn eigen woorden: gewoon, omdet ’t kin! Vanwege die vanzelfsprekendheid hebben we dit interview dan ook -vanzelfsprekend- een extra Limburgs tintje meegegeven. Hier is:

Nickname: Joep

Naam: Joep Willems

Laeftied: 27 jaor

Heimet: Remunj

1. Riebewies sins?
30 januari 2003, en dat zonder te kijken op mijn rijbewijs .Waas toen hertje winter, mit de riejlessen zellefs in de iezel gereeje. Kins dus zegke det ich good veurbereid aan ’t eksame begos, allein omdet ich eine matzjwarte helm hat zonger sjtickers kos miene instructeur neet zeen of det ich genog deej kieke. Netuurlik hat miene instructeur al waeke van te veure gezag det ich dao get aan mos doon, mèr toet de daag van ’t eksame gewach en toen mèr rap eine pleister oet de laaj gepak en achterop de helm geplek. Hae mos d’r waal mit lachen

2. Motergesjichte:
Begos mit eine Suzuki GSX600F, dae höb ich al nao 10 daag volgaas taege eine boum gezet. Daonao eine Yamaha YX600 Radian, mèr det waas meer eine motor veur “lilliputters” want es ich mien veut oppe steps hat raakte mien knieje mekaar euver de tank. En oeteindelijk eine Honda VF750F, zowaal veur oppe sjtraot es op ‘t circuit.

3. Wie bis dich besjmet mit de moterkwoal?
Altied van kleinsaaf al gezag det ich mien motorriejbewies wilde haole, in mien femilie is d’r wiejer nemes dae motor ried. Ich höb waal eers heel braaf mien autoriejbewies gehaold want det is toch mekkelik, mèr van de sente van mien sjtage höb ich toen mien motorriejbewies betaald.
 

4. Wie bis dich oppe LRT terechgekómme?
Ich waas op zeuk nao ein klup in ’t Limburgse, bön toen via Google op Motor-Forum terechgekomme en via de signature van Barry of Ramon bön ich weer bie LRT terechgekomme.

5. Waat bènjt dich aan LRT?
De gebroekers, omdet ze zo divers zeen en detgene waat d’r op ‘t forum sjteit. En netuurlik omdet ‘t lokaal is, al is det noe inmiddels waal oetgebreid door de “racehelden van weleer”

6. Waat is dien favveriete LRT topic?
Ich laes bienao alles, Offtopic met Peyke en Saffie, de circuitttopics en de techniektopics. In eeder geval neet de breuzel in ’t offtopic, det is ech allein mèr vulling en dien posts omhoog krikken

7. Sjun waer riejer of bikkel?
Allebei, veer ware mit ein klupke in ‘t Schwarzwald en reeje geweun lekkertempo door, ouch al waas ‘t naat en loog d’r sneej baove oppe berg. Fijn mit zo’n sjpeegelvizier, kinse ’t toch neet te gooj zeen dus geweun doortuffen. En ich höb ouch al döks zat mit ein naat kruuts gereeje in mien laere pekske. Al riej toch waal ’t leefste mit ein zönke.

8. Twie of veercillinder?
Ich höb nog noojts ech op eine twin gereeje, mèr ich bön waal benuujd wie det zou rieje. Ich riej noe waal op eine V4, dus det is ‘t beste van 2 waerelde   Euverigs ried die Rooj van mich waal op eine 2 cilinder (Firestorm), mèr dao moog ich neet meer op rieje vanwaege ein proofrit waat ich gedaon höb toen zie dem gekoch haet en ich efkes wilde kieke of alles in orde waas

9. Meist pienlike memènt oppe moter?
Nog gein besjamende momenten mitgemaak, allein mèr leermomenten

10. Sjunste memènt oppe moter?
Det zeen d’r heel veul. Ein weekend in Maka, eine daag op ‘t sirkwiej, de motor veur de eerste keer sjtarten naodet d’r gans oetein haet gelaege. Edere keer es ich oppe motor sjtap is veur mich ein “mooiste moment”.

11. Meist komise memènt oppe moter?
Ech komisch kin ich ’t neet nömme, mèr es ich zo’ne moderne sportfiets veurbie sjtaek mit mien Aaj Sjink, dan glunder ich waal in miene helm

12. Woeveur de käös veur dien hujige moter?
Ik zoch get betaalbaars, mèr wo ouch nog ein stök techniek achter zit. De VF750F is bie ‘t  AMA Superbikes kampioensjap gebroek en haet dus ouch ein sjtökske historie op sportief gebied. En wiejer sjrook d’r mich geweun aan, rood-wit-blauw mit goudjkleurige velgen, kix toch

13. Waat zouwst dich aan dien hujige moter wille verangere?
Miene sirkwiejmotor is ein verbaeterde versie van de sjtraotmotor. Nao mien eerste oetsjtepkes ware d’r get dinger die ich wilde verangere en ouch ’t sirkwiejrieje hat mich gegreepe dus aan de sjlaag en op zeuk nao eine tweede VF. Ongertösse eine houp gelaeze en gezoch op internet waat meugelik is. Angere velgen, lichter maken, meer grondsjpeling. En dao bön ich redelik ingesjlaag. Netuurlik zeen d’r nog dinger die ich wil doon, mèr ich wil ouch de köste leeg haaje. Veur de toekoms sjteit op om ouch op ’t gebied van vermogen ins te kieke waat meugelik is, mèr ’t mot waal leuk blieve.

14. Duist dich dien eiges óngerhaud of geit dien moter noa de moterboer?
Ich doot zoveul meugelik zellef, mèr ich laot ouch dinger doon. Door de sirkwiejmotor höb ich waal heel veul biegeleerd, want ich hat eers nul ervaring mit sjleutele.

15. Waat is dien droummoter?
Ich höb nog neet op veul motoren gereeje mèr eine KTM Superduke of Mille vinj ich waal get höbbe of eine Duc van waege alles waat d’r om haer ouch sjpeeld. Höb waal lang gezag det ich eine Kawasaki zx7r zou wille. Mèr op al die motoren zou ich  eers motte rieje, veurdet ich zou kinne zegke waat miene ideale of druimmotor zou zeen. Velt mich waal op det de meiste 2 cilinders zeen.

16. Waat is dien droum besjtömming?
Höb ich mich nog neet drek mit bezig gehaaje, mèr waat waal is, die Rooj van mich duijt gaer reizen en zou gaer ins nao Nieuw Zeeland wille gaon. Gelökkig kinse dao ouch sjoon rieje dus kinne veer die twee dinger kombineren.

17. Sjport of toer?
Sjport.

18. Waat woar dien huugste gesjwindigheid, op welke moter?
250 km/u op eine R6, toen hat ich ech net mien riejbewies. Dat was op een 80km weg, dus esse mich gesjnaad zoude höbbe kös ich ’t ouch weer drek inlevere

19. Waat is dien laevesmotto?
Ein ech motto höb ich neet,  mèr achteraaf is gemekkelijk kalle wo

20. Laer of sjtóf?
Laer, angers kinse ouch neet te gooj sjleifen hé

21. Waat mos volges dich aan verkiersreagels verangere?
Mot waal veilig blieve, mèr van det Artikel 5 waerse neet te gooj det zou ins losgelaote motte waere, omdet dao alles waat dae plies neet aansjteit aan opgehange kint waere.

22. Eifel of Ardennen?

Eifel, vanwaege de waege dao. Es ich gaon rieje is det döks mit de en die duuke meistal de Eifel in.

23. Motervakansie in een tent of hotel?
Hotel, dae zever met ein tentje achterop vinj ich mèr nieks. En mog ich mit die Rooj op motorvekansie gaon zit die ’t leefste ouch in ein hotel. Of ’t mot zo zeen detse in eine caravan of vaste tent kins kroepe dan zou ich dao nog euver haer kinne komme

24. Puddink of vlaaj?
Vlaai, rieste mit sjlaagroum en sjokovlokke.

25.   Vraag van Iesje: Hoe ben je erbij gekomen om zo'n oude motor te pakken (de aaj sjinke), helemaal op te knappen en mee op het circuit te racen?
Eigelik heel simpel, omdet ’t kin! Is eine sportmotor al is d’r get aajer mèr det wilt nieks zegke. In Spa mit de Bikers’Classics rieje d’r ouch motoren oet de 60’er en 70’er jaore rondj en die gaon nog ech sjoefterig hel. Dus dan is die aajsjink van mich opins neet meer zo aad Es ich op Zolder kom veur eine geweune sirkwiejdaag dan waer ich inderdaad waal ins aan/naogekeeke en zölle d’r miense zeen die zich aafvraoge waat ich kom doon, mèr oppe baan bön ich toch ech neet de langzaamste en door de cursussen die ich höb gedaon weit ich ouch waat waal en neet kint en wie detse dich te gedragen höbs.

Perseunlike noot:
Allereerst netuurlik ein dankjewel aan Ie$je det ’t mich de eer haet gegund om ’t nuuje jaor te äöpene es LRT’er van de Maondj. En aan alle miense op LRT ein sjoon jaor mit alles waat winselik is. Haop det ich dit jaor weer get meer aan ’t rieje kom en det veer os nog mogen treffen örges op eine sjoone bochtige waeg of op ’t sirkwiej.

(85) Commentaar