Un klein versjlagje van miene kant.
Um te sjtarten, dankzij Robson haw ich un sjoen setje koffers op de FZ1 um alles mer mit te kinnen sjlijpen wat mer meugelijk woar.
De koffers bleken oeteindelijk auch mien redding te zien geweest, mer doa dadelijk mie euver.
De oavond van te veure fijn un Ipod op ut sjink gemonteerd, zoedat ich in navolging van mien groete veurbeeld Benno, Beemerwaardig mit muziek op de FZ1 zou kroepen.
Gans hyper en meug sjting ich um half 7 bie de grenseuvergang boe veer zouden sjtarten mit un rijtoer van minimaal 6 oer.
De heenreis woar neet echt sjpannend en de muziek onder ut rieje woar un welkome aafwisseling.
Oangekoamen in ut ierste hotel metein lekker oan ut beer gezat en genoten van ut gooje weer en ut gooje gezelsjap.
Tevens de rit van de volgende daag doorgenomen.
Op ut menu zou de Stelvio sjtoan, boe ich gans ongeduldig noa woar.
Sjnelle Edsje haw mich al weken zitten bek*tten wie meulijk veer ut wel neet gingen kriegen op de Stelvio tegen de Beemers.
Dit kos neet anders es un wedstrijdje goan weure, want de Beemermannen zouden gezicht verlees hubben es ze neet de rest achter zich kosten houden.
Einmaal veur de Stelvio oangekoamen woar de sjpanning veulbaar.
48 bochten, 48 kansen, 48 mogelijke problemen
Bocht 1 is bocht 48 en dan sjteit bie elke bocht un bord wieveul bochten/ kansen dat er nog zien.
Gaaaaaaaaaaaaaaaaaaaaaaaaaaaaaaaaaaaazzzzzzzzzzzzzzz
Ich zoat in derde positie achter Benno en es kopman Sjnelle Edsje.
Noa un paar bochten haw Benno Edsje op vermogen op ut rechte sjtuk tussen twie bochten te pakken. Mer op vermogen woar mich de ier te noa, ich mos en zou Eddepet kloppen op zien eigen terrein. Vol in un tornante, of te wel un haakse bocht! Veurdeil veur mich woar dat ik de bochten veul haakser kos pakken es de BMW's, echter ut noadeil woar dat de BMW's mie koppel oet un lieg toerental hawwen. Dat heel in dat ich de FZ1 er sjteeds neven kos zetten mer dat Ed mich sjteeds mit zien koppel net weer veurbleef. 3 maal maakte Ed un kleine fout boe door ich um er mit un hoegere sjnelheid neven kos zetten en er langs kos goan. Dus niet................
Ed zoag ut gebeuren en zien einigste redding woar un de deur gewoen toe te goejen en mich dus in de ankers te laoten goan. Zoe zien veer dus auch boven gekoamen. Ich lachend wie un dulle en Ed mit ut zweit op de lippen dat er de ganse tied un FZ1 neven zich haw.
Ich kin mit trots melden dat de ein van de sjiekste gevechten op de moto woar!!!
Noa 2 sigaretten en un foto sessie kemen de bikkels oan op de top. Saffie en racekip zien vol oan de bak motten goan, mer respect wie die menner ut gefixt hadden :woreship:
Nice driving guys!
Volgende pass woar de Gravia. Ontzettend slecht asfalt mer toch super um te rieje.
Op deze pass keem al de "jeugdige euvermoed en rebelsheid van us Benno noa boven.
Veer keken elkaar veur de Gravia ff oan en ut woar duudelijk, hie zou gein van beiden toegeven. Volle gaas mit zien twie noa boven en um elke bocht woort gevochten alsof ut us letste bocht woar. Benno noam veurtouw mit sjnelheden dee un normale BMW noets zou mitmaken. De toerenbegrenzer van de Beemer maakte regelmatig euveroeren en door de hoeg sjnelheden in ut haakse bochtenwerk zelfs af en toe slidend achterwiel es gevolg. Regelmatig keem Benno un hoofdsjuddende tegenligger tegen, mer dee zal wel oan ut sjuddelen zien geweest vanwege de kou.
Halverwege de Gravia keem Benno in un haakse bocht sjus get te wiet oet en woar mien kans geboren. Korter es kort ingezat, volle gaas op de prengel en ut lijden van de BMW woar euver
Gans hyper keemen veer boven en koste neet anders es gans puberaal elkaar in de armen vlegen. Bohhhhhhhhh wat un rieje woar dat!!!!!
Toen gewacht op de rest en noa un gedegen fotosessie us route aafgemaakt.
Ff un sjprong in de tied, want de passen en dagen wie en wat zien neet gans helder bie mich.
Feit is dat veer eine supersjlechte daag hadden mit immens veul regen. Gevolg gevaarlijk rieje door aquaplanning, rivieren die boeten hun oever gingen, twie rotslawines. Al ut verkier noa ut noorden woar neet mie meugelijk en wel 50 km oan files. Halverwege ut noodweer gesjtopt in un klein cafe, umdat ut gewoen weg te gevaarlijk woar. Saffie woar door en door naat en woar zelfs bereid um te euvernachten op ut terras van ut café. Wie veer oan de cappuccino en espresso zoaten is bikkel Ed op zien BMW gesjtapt um door te rieje en us te melden of ut noodweer wiejer op de route zou aafneumen. Noa 30 min keem ut verlossende telefoontje. Ed haw ut idee dat ut minder hard zou goan regenen. Toen dus alles mer weer oangetrokken en wiejer gegegangen. Noa un half oer woar ut noagenog druug en hubben Benno en Ed us toch nog bie ut nuuje hotel gekrgen.
Top navigeer werk luu !!!!
Op de zoaterdag haw Remy samen mit Ed un route gemaakt.
Dit woar werkelijk un briljante route. Veer begosten mit bochten en zien er de ganse daag neet mie mit gesjtopt. Wauw!!!!!
op ut einde wie veer bie ut hotel oankeemen woaren veer allein Saffie kwiet. Dus zien Benno en ich weer op de moto gesjtapt um de nutte weeg veur ut hotel weer aaf te goan en Saffie te zeuken.
Mer veur wat zik ich nutte weeg? Nou ut woar auch un nutte weeg. Veer hadden allemoal al un aantal akkefietjes gehad mit glijdende achterwielen es of veer op diesel reden. Bie ut omhoeg komen had ich 3 moal in 1 bocht dat mien achterwiel begos te glijden. Noa de bocht bin ich gesjtopt en umgedrejt um te kieken wat er noa loag. Gekeken mer er waor niks raars te zien. Banden bekeken en auch niks te zien. Vreemd, erg vreemd.
Dus wie Ben en ich umlieg reden un Saffie te zeuken woar ich al op mien hoede, mer ut mocht neet baten. Ben woar al door mien langzame tempo al 1 bocht wiejer. Kom ich op un relatief rustige bocht oan, sjakel 1 versjnelling lieger, loat de koppeling op koamen en ut achterwiel begint vol te glijden opp ut moment dat ich mich goan verzitten veur de bocht te maken. Plat goejen woar gein optie dus vol in de ankers op ut asfalt, vervolgens remmen lossen en ut graas op. Doa woar er neet mie te houden, umdat ut get aaf leep en ich mos sjturen um gein beum te raken. Gevolg, achterwiel keump veurbie, rondtollende motor op ut graas en un meter of 6 zacht glijdende Sjpuit
Sjnel opgesjprongen umdat de adrenaline nog in ut lief zoat en ich dan de mieste kans haw um mit mit mien 65 kilo un motor mit bagage recht kos zetten. Dat bleek te kloppen mit get gegodver
Motor weer op ut asfalt gezat. peuk opgesjtoken en de sjaaj uns rustig bekeken. Link un get kromme koffer ophanging en un kretzke boe ut frame van de koffers de kont had geraakt. Wiejer haw de FZ niks
Vervolgens kump Ben mit Saffie oan en vroagt veur wat ich in godsnaam 300 meter van ut hotel un peuk sjtoan te roaken
Bie ut hotel de motor aafgesjpoten en de volgende daag un terugrit mit veul files noa hoes gehad.
Menner ut woar un super week geweest.
Super gereden, lekker gegeten, good gezelsjap.
Dat is motorrieje ten top!
LRT Forum